Қатарда ўтказилаётган 17 ёшгача бўлган футболчилар ўртасидаги ФИФА жаҳон чемпионати 1/16 финал босқичида Ўзбекистон U-17 терма жамоаси Хорватия U-17га қарши майдонга тушди.

Учрашувнинг 24-дақиқасида Садриддин Ҳасанов Сайфиддин Содиқовнинг узатмасидан кейин ҳисобни очди. 80-дақиқада Тино Кусанович гол уриб ҳисобни 1:1 га тенглаштирди.

Асосий вақт дуранг билан якунлангани сабабли ғолиб пенальтилар сериясида аниқланди. Унда Ўзбекистон ўсмирлари 4:3 ҳисобида зафар қучди ва мусобақанинг 1/8 финалига йўл олди.

Эндиликда Ислом Исмоилов шогирдлари 18 ноябрь куни Италия U-17 терма жамоасига қарши баҳс олиб борадилар.