2024 йилда Ўзбекистонда иш ҳақи, пенсия, стипендия ва нафақалар миқдорини ошириш режалаштирилмоқда. Бу ҳақда Иқтисодиёт ва молия вазирлигининг 2024-2026 йилларга мўлжалланган бюджет хабарида айтилади.

Аниқлик киритилишича, иш ҳақини 1 фоизга қўшимча ошириш учун йилига қарийб 1,3 триллион сўм, стипендияларни ошириш учун эса 600 миллиард сўм талаб этилади. Пенсияларни ошириш учун қўшимча 9,28 триллион сўм йўналтирилади.

2024 йилда иш ҳақи, стипендия ва нафақаларни молиялаштириш учун давлат бюджети харажатлари 26,94 триллион сўмга ошади.