Грузиянинг Тбилиси шаҳрида дзюдо бўйича «Катта дубулға» турнири ўз якунига етди. -90 кг вазн тоифасида кечган баҳсларда ўзбекистонлик Умар Бозоров олтин медални қўлга киритди. Бу ҳақда Олимпия қўмитаси Матбуот хизмати хабар қилди.
Олимпиада ва жаҳон чемпионати совриндорлари жам бўлган мазкур вазнда Бозоров финалда франциялик Алексис Метюдан устун келди.
Шу тариқа, Ўзбекистон терма жамоаси мазкур мусобақани 1 та олтин ва 2 та бронза медаллари билан якунлади.
Эслатиб ўтамиз, дастлабки кун баҳсларида -66 кг вазн тоифасидаги Азизбек Ортиқов ҳамда Абдураҳим Нутфуллаев бронза медаллари билан тақдирланишган эди.
