Сиёсатчининг 22 декабрь, якшанба кунги мурожаати унинг Х ижтимоий тармоғидаги саҳифасида эълон қилинди.
Хосе Рауль Мулинога кўра, канал мамлакат тарихининг бир қисми бўлиб, Панама мустақиллиги ва суверенитети борасида музокаралар олиб борилмайди.
“Панама каналининг ҳар бир метри Панамага тегишли ва шундай бўлади ҳам, мамлакатимиз суверенитети ва мустақиллиги муҳокама мавзуси бўла олмайди”, деди Мулино.
Бунга жавобан Трамп Truth Social ижтимоий тармоғида киноя билан ёзди: “Кўрамиз” ва “АҚШ каналига хуш келибсиз”.
Панама канали халқаро аҳамиятга эга бўлган энг муҳим транспорт сув йўлларидан бири ҳисобланади. У тўлиқ Панама ҳудудида жойлашган бўлиб, Панаманинг Тинч океан кўрфазини Кариб денгизи ва Атлантика океани билан боғлайди. Канал АҚШда қурилган ва 1914 йилда фойдаланишга топширилган. Америка ҳукумати денгиз йўли устидан назоратни 1999 йил 31 декабргача сақлаб қолди, шундан сўнг у Панама ҳукуматига топширилди, деб хабар беради korrespondent.net.
