– Тажриба қадриятлар, маданият ва ибратли анъаналарни унутган жамиятлар тўла бахтли бўла олмаётганини кўрсатмоқда. Иқтисодий ривожланиш учун қадриятлар қурбон қилинмаслиги керак, – деди А.Қодиров. – Кам таъминланган аҳолини қўллаб-қувватлашнинг қадриятларга таянган янги тизими жорий этилади. Кам таъминланган оила аъзоларини иш билан банд қилган тадбиркорларга солиқ имтиёзлари бериш тартиби жорий этилади.

Президентликка номзод суд-ҳуқуқ тизимида туб ислоҳотлар ўтказилишини билдирди. Тизимли ўзгаришлар суд ҳокимиятида адолатни кафолатлаш тизимини яратиш, соҳага янги авлод вакилларини жалб этиш орқали амалга оширилиши, жазони ижро этиш муассасалари Ички ишлар вазирлигидан Адлия вазирлигига ўтказилиши, жазони ижро этиш муассасаларидан жазони ўтаб, озодликка чиққан фуқароларнинг жамиятга тез ва самарали мослашиши учун ҳуқуқий асослар кучайтирилишини таъкидлади.