Вилоят ички ишлар бошқармаси хабарига кўра, ЙТҲ Кўкдала — Каттақишлоқ автомобиль йўли 10-километрида содир бўлган.
Маълумотларга кўра, “Lacetti” русумли автотранспорт воситаси ҳайдовчиси бошқарувни йўқотиб, қарама-қарши йўналишга чиқиб кетиши оқибатида рўпарасидан келаётган “Nexia” русумли автотранспорт воситасига бориб урилиб ЙТҲ содир этган.
Йўл транспорт ҳодисаси оқибатида жами 8 киши жароҳатланган. Хусусан, “Lacetti” русумли автотранспорт воситасидаги 5 нафар йўловчидан (1998 йилда туғилган барчаси синфдош бўлган) 3 нафари вафот этган.
“Nexia” русумли автотранспорт воситасидаги 1 нафар йўловчи ҳам ҳалок бўлган. Ҳайдовчи ва орқа ўриндиқдаги йўловчи эса шифохонада даволанмоқда. Яна икки нафар жабрланган инсон жонлантириш бўлимида, — дейилади хабарда.
