Бу ҳақда ТАСС агентлиги хабар беришича, аукцион Манхеттендаги New York Times медиа марказидаги аукцион уйи сайтида бўлиб ўтган.

Кимошди савдоси олдидан Дмитрий Муратовдан ўз совринини сотишга тайёрмисиз ёки йўқми деб сўралган ва у “ҳа” деб жавоб берган.

Ставкалар 700 минг доллардан бошланди, бироқ бир неча дақиқада медаль учун таклиф бир неча миллион доллардан ошди. 16,6 миллион доллардан кейин номаълум харидор телефон орқали 103,5 миллион доллар пул тикди, унинг таклифидан ҳеч ким оша олмади.

Барча маблағлар ЮНИCЕФ халқаро жамғармасига ўтказилади.

Нобел мукофоти медали аввал ҳам аукционда сотилган. 2014 йилда ДНК молекуласи тузилишини кашф этган америкалик биолог Жеймс Уотсон мукофоти Кристи аукционида 4,76 миллион долларга баҳоланган эди.