Қайд этилишича, “Hududgaz Samarqand” GTF комплайинс назорат тузилмалари, “Toyloqtumangaz” GTB, Бош прокуратура ҳузуридаги Иқтисодий жиноятларга қарши курашиш департаменти, Ўзенергоинспекция ва ҳуқуқни муҳофаза қилувчи органлар иштирокида ўтказилган рейд жараёнида Самарқанд вилояти Тойлоқ тумани “Қўрғонча“ МФЙда жойлашган “С. Ш.“ оилавий корхонасида табиий газдан ноқонуний фойдаланиш ҳолати аниқланди.

Маълум бўлишича, корхона (новвойхона) эгалари яширин йўл билан табиий газ тармоғига уланиб, "зангори ёқилғи"дан ноқонуний фойдаланиб келган.

Ҳолат бўйича далолатнома тузилиб, табиий газ ҳажми қайта ҳисоб китоб қилинди ва етказилган зарар 1,329 миллиард сўм миқдорида ҳисобланди.