Кета-парҳезларнинг бошқа парҳезлардан фарқи шундаки, унда истеъмол қилинадиган маҳсулотлар калориясининг асосий қисмини углеводлар эмас, ёғ ва оқсиллар ташкил этади.
Олдинги тадқиқотлар шуни кўрсатдики, кето-парҳези саратон касаллигига чалинган беморларга ўсмалар ўсиши учун зарур бўлган глюкозадан маҳрум этиши мумкин. Бироқ ошқозоности бези ва йўғон ичак саратони билан касалланган сичқонларда ўтказилган тажрибаларда кето-парҳези вазн йўқотиш ва иммунитетни сусайтирувчи хавфли касаллик бўлган кахексия ривожланишини тезлаштирди.
Тадқиқотчилар саратонга қарши курашишда кето-парҳезининг фойдаси бор-йўқлигини аниқлашга қарор қилишди. Соғлом сичқонлар ҳам кето-парҳезда вазн йўқотиши маълум, аммо уларнинг метаболизми аста-секин мослашади. Тажрибада иштирок этган шишлари бор субъектлар мослаша олмайди, чунки улар кето-парҳезининг таъсирини тартибга солишга ёрдам берадиган кортикостерон гормонини етарли даражада ишлаб чиқара олмайди.
Натижалар шуни кўрсатдики, кето-парҳезини кортикостероидлар деб аталадиган дорилар билан бирлаштириш саратон касаллигига чалинган сичқонларда кахексиянинг олдини олди. Тажрибада қатнашганларда ўсмалар камайди ва улар узоқроқ умр кўрди, деб хабар беради lenta.ru.
