Туркия ҳукумати эса Стокгольм учун “яшил чироқ” ёқиш ниятида, деб ёзади Т24 газетаси.
Швециянинг НАТОга аъзолиги ҳақидаги баённома яқин кунларда Туркия парламенти Бош ассамблеясига тақдим этилади, деб хабар қилди якшанба куни Habertürk телеканали. “РИА Новости”нинг қонун чиқарувчи органдаги манбаси Швециянинг НАТОга аъзолиги ҳақидаги баённомани Туркия Буюк Миллат Мажлиси (парламенти) Бош Ассамблеясига тақдим этиш санаси ҳақида аниқ маълумотлар йўқлигини маълум қилди.
“Туркиянинг Швециянинг НАТОга аъзо бўлиш масаласини кечиктириши муносабатларни амалда боши берк кўчага олиб келди. Ўтган йилнинг июль ойида НАТО саммитидан сўнг Америка томони Туркия ваъдаларини бажармаганидан шикоят қилди. Аслида парламент очилиши биланоқ октябрь ойида ҳукумат Швециянинг аъзолигини ҳал қилгандек кўринганди. Аммо парламент очилишида содир этилган теракт, кейин эса 7 октябрда бошланган Ғазодаги уруш ҳукуматга “Менинг қўлларим боғланган”, дейишга имкон берди, деб ёзади газета.
“Аслида ҳукумат Швециянинг НАТОга аъзолигига яшил чироқ ёқиш ниятида. Шу билан бирга у салбий воқеаларни ҳам ўз фойдасига айлантиришга ҳаракат қилмоқда”, дея таъкидлайди нашр.
Швеция Европа Иттифоқи аъзоси сифатида Эрдоған билан музокараларда аризани ратификация қилиш эвазига Туркиянинг Европа Иттифоқига кириш жараёнини фаоллаштиришга ёрдам беришга рози бўлди. Шу билан бирга, НАТО бош котиби Йенс Столтенберг Швециянинг НАТОга қўшилиши ва Туркиянинг Европа Иттифоқига қўшилиши масалалари “бир-бирига боғлиқ эмас”лигини айтди. Август ойида у Швециянинг кузда альянсга қўшилишига оптимистик кўз билан қараётганини айтганди, деб хабар беради ria.ru.
