Маълумот учун, «SPH Media» компаниясига тегишли бўлган «The Straits Times» Сингапурнинг асосий инглиз тилидаги кундалик газетаси, Осиёдаги етакчи медиа компаниялардан бири. 1845 йил 15 июлда ташкил этилган газета мамлакат ва дунёнинг асосий янгиликларини ҳар томонлама ёритиб боради. Кундалик тиражи бир миллион нусхани ташкил этади.
Мақолада Ўзбекистон улкан сайёҳлик салоҳиятига эга эканлиги, туризм инфратузилмаси юксак даражада ривожлангани қайд этилган. Мамлакатнинг туризм соҳаси жадал ривожланаётгани, бу анъанавий ўзбек меҳмондўстлиги ва бой тарихий-маданий мероси билан бир қаторда Ўзбекистонни тобора жозибадор ва нисбатан арзон сайёҳлик масканига айлантирилаётгани таъкидланган, деб хабар беради Маданият ва туризм вазирлиги матбуот хизмати.
