Мазкур электр станция йилига 1,7 миллиард кВт/соат электр энергияси ишлаб чиқаради.
Станцияда ўрнатилган қурилмаларнинг фойдали иш коэффициенти юқорилиги ҳисобига йилига 150 миллион метр куб табиий газ тежалади. Тежалган табиий газ билан қўшимча 685 миллион кВт/соат электр энергияси ишлаб чиқариш имкони яратилади.
Аҳамиятлиси, станция қурилиши давомида 700 нафаргача, ишга тушгандан кейин эса 100 нафар янги иш ўрни яратилди.
Эслатиб ўтамиз, жорий йил 29 мартда Ўзбекистон ва Туркия Президентлари томонидан мазкур электр станция қурилишига старт берилган эди, деб хабар беради Энергетика вазирлиги матбуот хизмати.
