Электрон ҳукумат лойиҳаларини бошқариш маркази ходимлари томонидан Урганч шаҳрининг IT-парк биносида ҳудуд аҳолиси учун Электрон ҳукумат фаолияти ҳамда электрон давлат хизматларидан фойдаланиш бўйича ўқув семинари ташкил этилди.
Ўқув машғулоти савол-жавобларга бой бўлди. Йиғилганлар ортиқча оворагарчиликка барҳам берувчи электрон давлат хизматларига катта қизиқиш билдиришди.
Иштирокчиларга Ягона идентификация тизимидан рўйхатдан ўтиш (OneID), электрон рақамли имзо олиш, my.gov.uz хизматларидан фойдаланиш каби жараёнлар тўғридан-тўғри кўрсатиб берилди.
