Энергетика вазирлиги ахборот хизматининг хабар беришича, шу йилнинг 6 ноябрь куни Сурхондарё вилоятининг Сариосиё туманидаги “Боғистон“ МФЙ ҳудудидан ўтувчи газ қувурига “Cobalt” русумли автотранспорт воситасининг урилиши оқибатида авария ҳолати содир бўлган.
Маълумотларга кўра, авария оқибатида соат 11:00 дан “Боғистон“ ва “Газарак“ МФЙ ҳудудидаги 700 та аҳоли хонадони ва 3 та улгуржи истеъмолчининг табиий газ таъминоти вақтинча тўхтатилди.
Қайд этилишича, авария ҳолати бартараф этилиши билан газ таъминоти қайта тикланади, — дейилади хабарда.
