Бу ҳақда вилоят ҳокимлиги ахборот хизмати маълум қилди.

Сурхондарё вилояти ҳокими Улуғбек Қосимов Термиз туманида барпо этилаётган «Янги Ўзбекистон» массивида амалга оширилаётган қурилиш ишлари, Термиз шаҳри «Фаровон» массивида қурилиши тугалланган 7 қаватли, 84 хонадонли турар жойлар шароитлари, йўли қурилиши ва ҳудудни ободонлаштириш ишлари билан танишди.

Шунингдек, Республика суд-тиббий экспертиза маркази Сурхондарё вилояти филиалининг янгидан қурилган биносини фойдаланишга топшириш маросимида иштирок этди.

Бугуннинг ўзида 74 та мактаб, 8 та боғча, 7 та тиббиёт муассасалари, 20 км узунликдаги 9 та йўл объекти, 1 та кўприк ва 3 та ирригация объектлари фойдаланишга топширилди.

Тошкент тиббиёт академияси Термиз филиалининг 1 500 ўринли ўқув биноси қурилиши кўздан кечирилиб, олийгоҳнинг мажлислар залида қурилиш соҳасида давлат дастурларининг ижроси юзасидан мутасаддиларнинг ахборотлари тингланди.