Сурхондарё вилоятининг Жарқўрғон туманида туғилганига 7 кун бўлган фарзандини сотмоқчи бўлган она ушланди.
“Миллар“ дастурида хабар қилинишича, 6 нафар фарзанди бўлган 36 ёшли аёл ўз боласини 62 миллион сўм эвазига сотаётган вақтида ҳуқуқ тартибот ходимлари томонидан ушланган.
Суд аёлга Жиноят кодексининг 135-моддаси 3-қисми «А» банди (Ўн саккиз ёшга тўлмаганлиги айбдорга аён бўлган шахсга нисбатан содир этилган одам савдоси) билан айбдор деб топиб, 3 йил муддатга озодликдан маҳрум қилиш жазоси тайинлади.
Сурхондарёда «Яшил макон» умуммиллий лойиҳаси доирасида кенг қамровли кўчат экиш тадбирлари бошланди. Хусусан, М–39 халқаро автомагистраль йўлининг Шеробод туманидан ўтган қисмида кўчат экиш тадбирига расман старт берилди.
Сурхондарё вилояти ҳокими Улуғбек Қосимов Хитойнинг «Jinchuan group chemical Co., Ltd» компанияси минерал хом ашё ресурслари бошқармаси бошлиғи Ван Юнсай бошчилигидаги делегацияни қабул қилди.
