Табиий офатдан Наратхиват, Яла, Сонгкхла, Паттани ва Сатун вилоятларидаги 260 мингдан ортиқ аҳоли жабр кўрди. Маҳаллий ҳокимият вакилларининг сўзларига кўра, ёғингарчиликнинг тўхташи билан дарёларда сув сатҳи пасайишни бошлаган, бироқ ҳудуддаги кўплаб йўллар автомобиллар учун ўтишга яроқсизлигича қолмоқда.

Сув тошқинидан зарар кўрган вилоятлар Таиланддаги машҳур сайёҳлик йўналишларидан узоқда жойлашган. Жабрланган сайёҳлар ҳақида маълумотлар йўқ. Наратхиват ва Яла вилоятлари Малайзия билан чегарадош, мазкур мамлакатнинг аҳолиси ҳам табиий офат муаммосига дуч келган, деб хабар беради tass.ru.