Вазир меҳмонни қутлар экан, мазкур институтнинг минтақадаги биринчи ваколатхонасига айланган GGGI идораси Тошкент шаҳрида очилгани муносабати билан табриклади.
Ўзбекистон ва GGGI ўртасида Орол денгизи қуриши оқибатларини юмшатиш, Оролбўйи ҳудудидаги аҳолини ижтимоий ҳимоя қилиш, иқлим ўзгаришига мослашиш, иқтисодиётнинг энергия самарадорлигини ошириш, «яшил» технологияларни ривожлантириш ва жорий этиш, шаҳарларни кўкаламзорлаштириш каби устувор йўналишларда ҳамкорлик қилиш истиқболлари муҳокама қилинди.
Учрашувда GGGIнинг Тошкентдаги ваколатхонаси раҳбари Аарон Рассел ҳам иштирок этди, деб хабар беради Ташқи ишлар вазирлиги матбуот хизмати.
