Атроф-муҳит фаоллари Илон Маск компаниясининг ишлаб чиқаришни кенгайтиришига тўсқинлик қилишни талаб қилмоқда.
Берлин яқинидаги Грюнхайде шаҳрида Tesla гигафабрикаси қурилиши 329 гектар майдонда кенг кўламли ўрмонларнинг кесилишига олиб келди. Бу тахминан ярим миллион дарахтга тенг, деб ёзади Британиянинг The Guardian газетаси Kayrros томонидан ўтказилган сунъий йўлдош тасвирлари таҳлилига таяниб.
Ушбу маълумотларга кўра, ўрмонларни кесиш 2020 йилдан 2023 йилгача давом этган. Шу билан бирга, 2024 йил июль ойида Бранденбург федерал ери ҳукумати Teslaнинг Европадаги ягона электромобиль заводини кенгайтириш режасини маъқуллади, экология фаоллари бунга бир неча бор қаршилик кўрсатди, деб хабар беради dw.com.
