Мақолада 2025 йил кузда Бухорода биринчи маротаба замонавий санъатни ўзида намоён этадиган Бухоро биенналеси бўлиб ўтиши қайд этилган. 5 сентябрдан 20 ноябргача бўлиб ўтадиган тадбирда жаҳоннинг машҳур рассомлари, жумладан, британиялик ҳайкалтарош Энтони Гормли ва бошқа таниқли усталарнинг асарлари намойиш этилади.
Биеннале шаҳарнинг тарихий марказида, бир неча асрлардан бери мавжуд бўлган карвонсаройлар, диний мактаблар ва ислом маданиятининг бошқа меъморий дурдоналар ўртасида ўтказилади, деб хабар беради Туризм қўмитаси матбуот хизмати.
Бундан ташқари, «The New York Times» газетаси ўз ўқувчиларига ўтган йили парвоз қила бошлаган «Silk Avia» ва «Air Samarkand» миллий авиакомпаниялари туфайли Ўзбекистон бўйлаб саёҳат анча осонлашганини қайд этган.
