TikTok сервисига эгалик қилувчи ByteDance компанияси асосчиси Чжан Имин Хитойнинг энг бой одамлари рейтингида биринчи ўринни эгаллади. Унинг бойлиги 49,3 миллиард долларга баҳоланди.
Бу ҳақда Hurun бизнес нашрига асосланиб Reuters хабар бермоқда.
Нашр маълумотларига кўра, 2023 йилда ByteDanceнинг глобал даромади 30 фоизга ўсиб, 110 миллиард долларни ташкил этди, АҚШда TikTok иловасидан фойдаланувчилар сони эса 200 миллионга яқинлашди.
"Қадоқланган сув ишлаб чиқариш билан шуғулланувчи 70 ёшли магнат Чжун Шаньшань сўнгги уч йил ичида биринчи марта биринчи ўринни бой бериб, 47,9 миллиард доллар билан иккинчи ўринга тушиб кетди", деб хабар беради forbes.kz.
Хитой – Қирғизистон – Ўзбекистон темир йўли қурилиши 27 декабрь куни бошланади. Бу ҳақда бугун Бишкекда бўлиб ўтган III Халқ қурултойида Қирғизистон президенти Садир Жапаров маълум қилди.
Бирлашган Араб Амирликларининг Дубай шаҳрида ядро қуролига эга бешта давлат – Россия, Хитой, АҚШ, Буюк Британия ва Франция вакиллари ёпиқ йиғилиш ўтказди. Бу ҳақда “Коммерсантъ” хабар бермоқда.
Декабрь ойининг биринчи ҳафтасида Ўзбекистон Республикаси Инвестициялар, саноат ва савдо вазирлиги, Наманган вилояти туман ва вилоят ҳокимликлари вакилларидан иборат делегация Шинжон-Уйғур Автоном республикаси ва Пекин шаҳрига ташриф буюрди.
Қирғизистонда Хитой-Қирғизистон-Ўзбекистон темир йўли қурилиши учун ер ажратилди. Мамлакат Вазирлар Маҳкамаси раҳбари Оқилбек Жапаров тегишли қарорни имзолади.
