Дастлаб меҳмонлар вилоятда қулай сармоявий муҳит яратилгани, туризм, қурилиш, коммунал, энергетика, енгил саноат, кимё ҳамда бошқа соҳалардаги ривожланишлар билан таништирилди.
Ўз навбатида Шинжон-Уйғур автоном районининг Савдо саноат палатаси раҳбари ҳам вилоят ҳудудида бир қатор йирик лойиҳаларни амалга оширишни режа қилинганини таъкидлади. Хусусан, жорий йил йил якунида икки томон ўртасида ўзаро бизнес-форум ўтказишга келишилди.
Шу билан бирга Хитойнинг бир қатор компания вакиллари ҳам ўзларининг Тошкент вилоятида мисни қайта ишлаш, заргарлик, қурилиш материаллари, қишлоқ хўжалиги соҳалари ва тиббиёт асбоб-ускуналарини ишлаб чиқариш лойиҳаларини амалга ошириш истаклари борлигини билдириб, лойиҳалари тақдимотини ўтказди.
Зойир Мирзаев мазкур таклифларни қўллаб-қувватлаб, ҳар томонлама ёрдам кўрсатишга тайёрлигини билдирди.
Учрашув якунида томонлар амалий ҳамкорлик йўналишларини яна кўриб чиқишга келишиб олдилар, деб хабар беради Тошкент вилоят ҳокимлиги матбуот хизмати.
