Тошкент вилояти Фавқулодда вазиятлар бошқармасининг хабар беришича, шу йилнинг 11 март куни соат 18:40да Тошкент-Водий А-373 автомобиль йўлининг 91 километрида ҳаракатланиб кетаётган юк ташувчи транспорт воситасида ёнғин келиб чиққан.

Маълумотларга кўра, ёнғин ўчириш экипажи ёнғин жойига соат 18:50да этиб борган ва ёнғин соат 19:07да батамом ўчирилган.

Ҳозирда ёнғиннинг келиб чиқиш сабаби ва зарари аниқланмоқда.