“Агар улар тинчликсевар бўлиб, бизга бошқа зарар етказмасликларини кўрсата олсалар, мен санкцияларни бекор қиламан”, деди у. Президентнинг сўзларига кўра, Эронга нисбатан санкцияларни бекор қилиш “жуда муҳим бўларди”.
Шанба куни NBC News телеканали АҚШ Президентининг махсус элчиси Стивен Уиткофф яқин кунларда Эрон ҳукумати билан Теҳроннинг ядровий дастури бўйича эҳтимолий келишув бўйича музокаралар ўтказиши ҳақида хабар берди. Телеканал маълумотларига кўра, музокаралар мавзуси санкцияларни юмшатиш эвазига Эрон Ислом Республикасида уранни бойитишни тўхтатиш бўлади.
Исроил 13 июнга ўтар кечаси Эронга қарши ҳарбий операция бошлади, орадан бир кун ўтмай Эрон Ислом Республикаси қарши ҳужумга ўтди. АҚШ тўққиз кун ўтиб можарога қўшилди: 22 июнга ўтар кечаси Америка кучлари Эроннинг учта ядровий объектига ҳужум қилди. 23 июнь куни кечқурун Теҳрон Американинг Яқин Шарқдаги энг йирик авиабазаси – Қатардаги Ал-Удейд авиабазасига ракета зарбаси берди. Кейинроқ Трамп Исроил ва Эрон ўт очишни тўлиқ тўхтатишга келишиб олганини эълон қилди. Ўт очишни тўхтатиш келишуви 24 июндан кучга кирди, деб хабар беради tass.ru.
