346 депутатдан 287 нафари ташаббусни қўллаб-қувватлади, 55 нафари қарши чиқди, тўрт нафари бетараф қолди.
Парламент қарори мамлакат Президенти Режеп Таййип Эрдоған томонидан имзоланган фармондан сўнг кучга киради. Ҳужжат расмий ҳукумат нашри – Resmi Gazeteда эълон қилинади. Давлат раҳбари фармонни имзолаш масаласини 15 кун ичида кўриб чиқишга ҳақли.
Швеция 2022 йил май ойида Финляндия билан биргаликда Шимолий Атлантика альянсига ариза топширди. Финляндия ўтган йилнинг 4 апрелида блокнинг 31-аъзосига айланди. Стокгольм Венгрия ва Туркиядан ҳали якуний рухсат олмаган. Анқара сўровнинг ратификация қилинишини Стокгольмнинг терроризмга қарши кураш бўйича ваъдаларини бажариши билан боғлайди.
Июль ойида Швеция Европа Иттифоқи аъзоси сифатида мамлакатнинг НАТОга аризасини ратификация қилиш эвазига Туркиянинг Европа Иттифоқига кириш жараёнини осонлаштиришга рози бўлган эди. Альянс Бош котиби Йенс Столтенберг Швециянинг блокка қўшилиши ва Туркиянинг Европа Иттифоққа қўшилиши масалалари “бир-бирига боғлиқ эмас”лигини таъкидлади, деб хабар беради ria.ru.
