Аввалроқ, UzAutoMotors Aсакадаги заводда модернизация ишлари олиб борилиши сабаб автомобил ишлаб чиқариш вақтинча тўхтатилишини эълон қилганди.
Эндиликда, заводда автомобил ишлаб чиқариш 17 июль (душанба) кунидан бошланиши режалаштирилган. Бу ҳақида компания вакили “Дарё.уз”га маълум қилган.
Ҳозирда модернизация ишлари давом этмоқда. Компания, аввалроқ, ўз баёнотида модернизация натижасида автомобил ишлаб чиқариш қувватлари оширилишига урғу берганди.
“Ушбу модернизация Chevrolet Cobalt автомобилларининг йиллик ишлаб чиқариш ҳажмини қўшимча 30 минг донага ошириш имконини беради”, — дея хабар қилган UzAutoMotors.