Владимир Путин Дальний Восток тадбиркорлари билан учрашувда Россия иқтисодиётининг муваффақиятларини баҳолади. Россия Президентининг сўзларига кўра, мамлакат иқтисодиёти харид қобилияти паритети бўйича Европада биринчи, дунёда эса бешинчи ўринни эгаллади.
Путиннинг таъкидлашича, Россия ҳар томондан “бўғилиб, эзилиб кетаётганига” қарамай, муваффақиятларга эришилди. Санкцияларга қарамай, мамлакат Германияни ортда қолдирди ва дунёда бешинчи ўринни эгаллади: Хитой, АҚШ, Ҳиндистон, Япония, Россия. Европада эса биринчи ўринда, деди Россия раҳбари.
Шу билан бирга, Путин Россияда бажарилиши лозим бўлган вазифалар борлигини тан олди. Президентнинг сўзларига кўра, мамлакат харид қобилияти паритети бўйича бутун Европани ортда қолдирганига қарамай, Россия иқтисодиёти аҳоли жон бошига тўғри келадиган кўрсаткич бўйича ҳамон орқада қолмоқда, деб хабар беради tvc.ru.
