АҚШ Президенти Дональд Трамп “Олтин флот” деб номланадиган АҚШ денгиз флотини янгилашни режалаштирмоқда, деб хабар беради The Wall Street Journal (WSJ) манбаларга таяниб.
“Олтин флот” Хитойдан таҳдидларга қарши тура олади. Режа ҳали дастлабки муҳокама босқичида ва Трамп бунда бевосита иштирок этмоқда, деб хабар берди газета манбалари.
Янги флот таркибига кучлироқ узоқ масофали ракеталарга эга бир қатор йирик ҳарбий кемалар ва корветлар каби кичикроқ кемалар кириши кутилмоқда. Шунингдек, гипертовушли ракеталар билан қуролланишга қодир бўлганларни ҳам ўз ичига олган янги фрегатлар синфи устида ишлар олиб борилмоқда, деб хабар берди rbc.ru.
