Бу ҳақда 26 сентябрь, пайшанба куни манбаларга таяниб The Wall Street Journal (WSJ) ва Reuters хабар берди.
Унда ядро ёқилғиси борми ёки одамлар ҳалок бўлганми, номаълум.
Хитойда энг янги атом сув ости кемаси май ойининг охири – июнь ойи бошида чўкиб кетди. Ҳодиса Ухань шаҳри яқинидаги кемасозлик заводида содир бўлди. Хитой расмийлари бу ҳақиқатни яширишга ҳаракат қилишди.
The Wall Street Journal ва Reuters маълумотларига кўра, Zhou синфидаги сув ости кемаси чўкиб кетди – у бу туридаги биринчи сув ости кемаси. У China State Shipbuilding Corp. компанияси томонидан Wuachang кемасозлик заводида ишлаб чиқарилган. Сув ости кемасини охирги марта май ойининг охирида Янцзи дарёсида кўришган, кема у ерда денгизга чиқишдан олдин жиҳозланаётган эди. Июнь ойи бошида сув ости кемасини дарё тубидан кўтариб чиқиш учун кранлар ҳодиса жойига юборилган, Planet Labs сунъий йўлдош суратлари бу ҳақда гувоҳлик беради.
Чўкиш вақтида сув ости кемасида ядро ёқилғиси бўлган-бўлмагани номаълум, аммо бўлиши мумкин, дейди The Wall Street Journal манбалари. Фавқулодда вазиятдан кейин сув намуналари олингани ҳақида ҳеч қандай белгилар йўқ. Шунингдек, ҳодиса оқибатида қурбонлар ва жароҳатланганлар йўқ, деб хабар беради dw.com.
