Бу ҳақда 4 ноябрь, душанба куни Япония аэрокосмик тадқиқотлар агентлиги (JAXA) маълум қилди.

Япониянинг янги H3 ракетаси мамлакат жануби-ғарбидаги Кагосима префектурасидаги Танегасима космодромидан Токио вақти билан соат 15:48 да ҳавога кўтарилди. Тахминан 30 дақиқадан сўнг фазовий кема орбитага чиқарилди.

4 тонналик сунъий йўлдош сунъий йўлдош радиоалоқаларида ишлатиладиган сантиметр тўлқин узунликларининг Х диапазонидаги частоталарда алоқани таъминлаш учун ускуналар билан жиҳозланган. Маълумотларга кўра, мазкур парвоз 50 миллион долларга баҳоланди.

H3 Япониянинг асосий ракетаси ҳисобланади. У JAXA ва Mitsubishi Heavy Industries томонидан ишлаб чиқилган. Бу унинг тўртинчи ишга туширилиши. H3 H2А ракетасини алмаштирди. H3 4 тоннадан ортиқ юкни қуёш билан синхрон орбитага ва тахминан 8 тоннани геосинхрон орбитага олиб чиқиши мумкин. Бу H2А ракетаси учириши мумкин бўлган фойдали юк оғирлигидан 1,3 баравар кўп, деб хабар беради korrespondent.net.