Учрашув давомида давлатлар ўртасида сайёҳлик оқимини ошириш ва туризм соҳасидаги ҳамкорликни ривожлантириш масалалари муҳокама этилди.

Ҳ. Такаҳаши Япониядан Ўзбекистонга сайёҳлар оқимининг ўсишини ва япон жамоатчилигининг мамлакатимизни зиёрат қилишга бўлган қизиқишининг ортиб бораётганини таъкидлади.

Музокаралар натижасида япон туризм компаниялари билан ҳамкорликда Ўзбекистонга япон сайёҳларининг катта гуруҳларини юборишни, PR-кампаниялар ўтказишни ва Япониянинг энг йирик ОАВ ва туристик компаниялар вакиллари учун Ўзбекистонда пресс ва инфо турларини ташкил этиш бўйича келишувга эришилди, деб хабар беради Туризм қўмитаси матбуот хизмати.