Пәрманға бола, "Қоршаған орталықты сақлаў ҳәм "жасыл экономика" жылында мәмлекетти раўажландырыўдың тийкарғы көзқараслары етип төмендегилер белгиленди, соның ишинде:
мәҳәллелердиң экологиялық көринисин жақсылаў, көшелерде жасыллық дәрежесин арттырыў, экологиялық жақтан қолайлы ҳәм абадан жасаў орталығын қәлиплестириў;
халықтың саламатлығын жақсылаў, экологиялық турмыс тәризин қәлиплестириў ҳәм инсан потенциалын жүзеге шығарыў ушын шараятларды жаратыў;
тәбийий ресурсларды үнемлеў ҳәм олардан ақылға уғрас пайдаланыў, экологиялық турақлылықты тәмийинлеў;
өсимлик ҳәм ҳайўанат дүньясын сақлаў, көбейтиў ҳәм кейинги әўладқа жеткериў ҳәм биологиялық көп түрлиликти сақлаў;
"жасыл экономика" принциплерин кеңнен енгизиў, экономиканы ықлымның өзгериўине бейимлестириўге қаратылған жойбарларды турақлы қаржыландырыў;
республика энергобалансында қайта тиклениўши энергия үлесин арттырыў, соның ишинде, мәмлекетлик-жеке меншик шериклик тийкарында ири "жасыл энергия" станцияларын қурыў, аймақларда киши ҳәм микро гидроэлектр станциялары тармағын кеңейтиў, халықтың үйлеринде қуяш панеллерин орнатыўды хошаметлеў.
