Бул бийбаҳа комплекстиң қурылысы бизиң эрамызға шекемги IV-V әсирлерге барып тақалады. Археологиялық қазыўлар нәтийжесинде сол дәўирде биринши қала қурылғанлығы анықланған.
1999-жылы қайта оңлаў жумысларынан соң қорған жанында 28 мыңнан аслам экспонатты өз ишине алған үлкетаныў музейи ашылды.
Кейинги реставрация жумыслары процесинде қорған дийўаллары, арки ҳәм дәрўазалары қайта тикленди, ҳәкимшилик имарат, өнерментшилик дүканлары қурылды, Хожандтың әййемги ҳәўлилеринин үлгилери жаратылды.
Аймақта тәжик халқының тарийхы ҳәм мәдениятына байланыслы 5 көргизбе залынан ибарат комплекс қурылды. 8 ҳәўлиде өнерментлер каллиграфия, сүўретшилик, адрас тоқыў, созана тигиў, тас оймакерлиги, темиршилик ҳәм гүлалшылық пенен шуғылланбақта.
Мәмлекет басшылары үш мәмлекеттиң өнерментшилик, аўыл хожалығы өнимлери ҳәм миллий тағамларының көргизбесин көзден өткерип, көркем шығыўларды тамашалады.
