Қарарға бола, мәмлекетлик сатып алыўларды әмелге асырыўда "жасыл" мәмлекетлик сатып алыўлар системасы енгизиледи ҳәм "жасыл" мәмлекетлик сатып алыўлардың үлеси 2030-жылға шекем басқышпа-басқыш 30 процентке жеткериледи.
2026-жыл 1-январьдан мәмлекетлик сатып алыўларды әмелге асырыўда экологиялық нормалар ең жақсы усынысларды таңлаў ҳәм тендерлердеги сатып алыў ҳүжжетлерине мәжбүрий тәртипте киргизиледи.
Бунда:
экологиялық маркировкалаў ҳүжжетиниң ҳәр бир түри ушын топланған баллардың 5 проценти муғдарында қосымша балл бериледи;
қатнасыўшы усынысының усы өлшемлерге муўапық келмеўи қатнасыўшыны сатып алыў тәртибинен шетлетиў ушын тийкар болмайды.
Буннан тысқары, мәмлекетлик буйыртпашылардың 2026-жыл ушын мәмлекетлик сатып алыўға байланыслы қәрежетлерде "жасыл" мәмлекетлик сатып алыўлардың үлесин кеминде 15 процентке жеткериўи, бул көрсеткишти ҳәр жылы кеминде 5 процентке арттырып барыў бойынша илажлар көриўи белгиленди.
