Қайд этилишича, ўтказилган назорат тадбирида Хўжаобод туманида “Б.Б.“ МЧЖ раҳбари С.А. “Бешқовоқ“ МФЙ ҳудудидаги туз ишлаб чиқариш цехида ўрнатилган электрон газ ҳисоблагич муҳрини бузиб, оҳак ишлаб чиқариш учун табиий газдан ноқонуний фойдаланганлиги аниқланди.
Ушбу қоидабузарлик натижасида дастлабки ҳисоб-китобларга кўра газ таъминоти корхонасига 5,3 млрд сўмлик зарар етказганлиги маълум бўлди.
Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.
