Бу ҳақда Пентагон матбуот хизматининг якшанба куни тарқатган баёнотида айтилади.
Ҳужжатга кўра, Остин Исроил мудофаа вазири Йоав Галант билан телефон орқали суҳбатлашди, унда у “АҚШ Исроилни ҳимоя қилиш учун барча чораларни кўришга тайёрлигини тасдиқлади”, шунингдек, “Минтақадаги кескинликнинг кучайиши фонида АҚШнинг Яқин Шарқдаги ҳарбий мавжудлиги мустаҳкамланишини” эълон қилди.
Хусусан, Остиннинг таъкидлашича, у Abraham Lincoln авиаташувчисини F-35C қирувчи самолётлари билан АҚШ Марказий қўмондонлиги (CENTCOM) масъул ҳудудига “жойлаштиришни тезлаштиришни буюрди”. Шу билан бирга, Theodore Roosevelt самолёт ташувчиси аллақачон ҳудудда. Бундан ташқари, Пентагон раҳбари қанотли ракеталар билан жиҳозланган Georgia сув ости кемасини (CENTCOM) масъул ҳудудига юборишни буюрди.
Ҳужжатда қайд этилишича, Остин ва Галант Исроилнинг Ғазо секторидаги ҳарбий ҳаракатлари ва у ерда ўт очишни тўхтатиш бўйича келишувга эришиш ҳаракатларини муҳокама қилган. Бундан ташқари, суҳбат мавзуси “Эрон, “Ҳизбуллоҳ” ва Эрон билан боғлиқ бошқа гуруҳлар томонидан тажовузнинг олдини олишга” уринишлар билан боғлиқ эди, деб хабар беради tass.ru.
