Суҳбатда компания томонидан биоёқилғи, биоўғит ва озиқ-овқат ингредиентлари ишлаб чиқариш бўйича қўшма лойиҳа амалга оширилишининг асосий босқичлари муҳокама этилди.

Лойиҳанинг ҳар бир босқичи маҳаллий маҳсулот ва хизматлар етказиб берувчиларнинг фаол иштирокини ўз ичига олади, бу эса мамлакатнинг кичик ва ўрта бизнес субъектларининг ҳам иштирокини таъминлайди.

Компания вакиллари Қўқон шаҳрига ташрифи натижалари, хусусан у ерда янги ташкил этилган технопаркда бўлингани ва инфратузилма ва коммунал хизматлар билан таъминланганлик даражаси ўрганилганлигини ҳақида таассуротлари билан ўртоқлашди. Компания вакилларининг фикрича, лойиҳанинг кейинги босқичларида ишлаб чиқариш фаолиятини янада самарали ташкил этиш учун барча шароитлар мавжуд.

Компания раҳбарияти Ўзбекистоннинг экологик мақсадларига мос келадиган айланма иқтисоднинг юқори стандартлари ва паст углерод чиқиндиларини сақлаш талабларига тўлиқ риоя этишини таъкидлади. Ушбу лойиҳа мамлакатнинг барқарор ва қайта тикланувчи энергия манбаларига ўтишини қўллаб-қувватлашда муҳим лойиҳалардан бирига айланиши кутиляпти.

Лазиз Кудратов компанияни лойиҳанинг барча босқичларида қўллаб-қувватлашга тайёрлигини билдирди. Экологик барқарорликни мустаҳкамлаш учун бундай ташаббусларга хорижий сармояларни жалб этиш муҳимлиги таъкидланди, деб хабар беради Инвестициялар, саноат ва савдо вазирлиги матбуот хизмати.

Biologic International глобал бозорлар учун барқарор ва паст углеродли ечимларга ихтисослашган биоёқилғи ва биомаҳсулотлар соҳасида етакчи инноватор компания ҳисобланади. Компаниянинг биоёқилғи, биоўғитлар ва озиқ-овқат ингредиентларига эътибор қаратилиши уни қайта тикланадиган энергия ва қишлоқ хўжалиги соҳаларида етакчилар қаторига жой олишга замин яратди.