Шаҳримиз меҳмонлари ва хориждан ташриф буюрадиган сайёҳлар учун тарихий аҳамиятга эга осори атиқалар намойишгоҳига айлантириладиган музейнинг умумий майдони 9 минг 354 метр квадратни ташкил этади.
6 та экспозициядан иборат Бухоро тарихи, табиати ҳамда тасвирий санъатини ўзида акс эттирадиган музейдан 125 мингга яқин экспонат ўрин эгаллайди.
Лойиҳага биноан, музей биносида анжуманлар зали, фонд заҳира хоналари, фитобар, офислар ҳамда кутиш зали ташкил этилади.
Туркия Республикасининг "Studio Vertebra" компанияси меъмор-мутахассислари томонидан лойиҳалаштирилаётган иншоотнинг умумий қиймати 6,9 миллион АҚШ долларига баҳоланган.
