Бу ҳақда Бухоро вилояти Фавқулодда вазиятлар бошқармаси хабар берди.
Қайд этилишича, бугун соат 12:00 лар атрофида Бухоро тумани, «Хонабод» МФЙ, Қумрабод қишлоғи йўл ёқасида жойлашган ЯТТ Қурилиш моллари савдо дўконида ёнғин содир бўлди.
Ҳодиса оқибатида, дўконнинг шифт қисмининг тахминан 40кв.м. майдони ёниб кетган. Ҳозирда ёнғиннинг келиб чиқиш сабаби ва зарари ўрганиляпти.
Маълумотларга қараганда, воқеа жойига 2 та ёнғин қутқарув авто экипажлари жалб этилиб, ёнғин соат 12:40да вилоят Фавқулодда вазиятлар бошқармаси ходимлари томонидан тўлиқ ўчирилди.
Ҳодиса оқибатида, ҳеч ким жабрланмаган.
