Суҳбат давомида Ўзбекистон ва Буюк Британия ўртасидаги сиёсий, савдо-иқтисодий ва маданий-гуманитар соҳалардаги ҳамкорликнинг бугунги ҳолати ва истиқболлари муҳокама этилди.
Шунингдек, турли даражадаги режалаштирилган қўшма тадбирлар ва ташрифларнинг жадвали ҳамда ташкилий жиҳатлари кўриб чиқилди.
Суҳбатдош жорий йил 28-30 ноябрь кунлари Лондон шаҳрида бўлиб ўтадиган Ўзбекистон–Британия савдо ва саноат кенгашининг (UBTIC) навбатдаги йиғилишига пухта тайёргарлик кўрилаётгани ва ушбу тадбирда Британия томонидан 300 га яқин компаниялар иштирок этиши кутилаётганини маълум қилди.
Учрашув якунида турли йўналишларда ҳамкорликни янада тараққий эттириш мақсадида доимий равишда мулоқот ўтказиб туришга келишилди, деб хабар беради “Дунё” АА.
