Ўрмон ёнғинлари деярли 500 гектар майдонни қамраб олди.

Вальпараисода тўртта фаол ёнғин ўчоғи юзага келган. Лимаче коммунаси ёнғинлардан энг кўп жабр кўрди.

“Лимаче коммунасидаги ёнғинда етти киши жабрланди, ёнғин 480 гектар майдонни қамраб олди ва 20 та уй вайрон бўлди”, деди BiobioChile радиостанцияси.

Жабрланганлар орасида икки нафар ўт ўчирувчи ҳам бор, улар ёнғинни ўчириш вақтида куйиш жароҳатини олишган. Ёнғин хавфсизликни таъминлаш учун Лимаче ва Вилья-Алемана коммуналарини боғлайдиган F-62 автомагистралини ёпишга қарор қилинди. Марга-Марга вилоятида ёнғин хавфининг қизил даражаси эълон қилинди.

Бундан ташқари, радиостанция маълумотларига кўра, ҳуқуқ-тартибот хизматлари ўт қўйганликда гумон қилинаётган шахсни Вилья-Алемана ва Кильпуэ коммуналари ўртасидаги чегарада қўлга олишган.

Ёнғин тарқалиши туфайли 300 киши, жумладан, 19 нафар кекса бемор эвакуация қилинди, деб хабар беради mir24.tv.