Учрашув доирасида Ўзбекистон Республикаси Ахборот технологиялари ва коммуникацияларини ривожлантириш вазирлиги ҳузуридаги «Электрон ҳукумат» лойиҳаларини бошқариш маркази ва Қозоғистон Республикасининг «Холдинг Зерде» компанияси ўртасида электрон ҳукумат тизимини ривожлантириш ва аҳолининг рақамли трансформацияси бўйича ҳамкорликни кенгайтириш, шу билан бирга тажриба алмашиш мақсадида меморандум имзоланди, деб хабар беради Ахборот технологиялари ва коммуникацияларини ривожлантириш вазирлиги матбуот хизмати.
2008 йилда ташкил этилган «Холдинг Зерде» АЖ мамлакатни рақамлаштиришнинг асосий ҳаракатлантирувчиси ҳисобланади. «Холдинг Зерде» электрон ҳукуматни ривожлантириш билан шуғулланади ва давлат органлари учун IT архитектурасини яратади. Бугунги кунда компания «Рақамли Қозоғистон» давлат дастурини амалга ошириш бўйича тизимли ишларни олиб боради. Шунингдек, IT -технологиялар бозорини ривожлантириш ва илғор лойиҳаларни амалга ошириш билан шуғулланади.
