Сирдарёда 11 нафар Меҳрибонлик уйи битирувчисига уй берилиши белгиланган. Руслан Ахмедовга Оқибат маҳалласи Навоий кўчасидан 3 хонали, Кирилл Власовга Ширин маҳалласида жойлашган кўп қаватли уйдан 1 хонали ҳамда Фирдавс Юнусовга Адолат маҳалласи Темир йўл кўчасидан 2 хонали уйлар топширилди. Мазкур уйларнинг барчаси 9 турдаги зарурий уй жиҳозлари, жумладан, гилам, стол-стул, музлаткич, телевизор, газ плита, ётоқ мебеллари ва бошқа жиҳозлар билан таъминланган.
– Шодлигимни чеки йўқ, – дейди Р.Аҳмедов. – Бизга кўрсатилаётган меҳр, эътибордан хурсандмиз. Бу ҳаётимдаги энг ёрқин лаҳзалар бўлиб қолади. Энди менинг ҳам ўз уйим бор.
Сирдарёда ота-она қарамоғидан маҳрум бўлган болаларни уй-жой билан таъминлаш тадбирлари давом этади, деб хабар беради Сирдарё вилоят ҳокимлиги матбуот хизмати.
