Бу ҳақда Parisien газетаси мамлакат ички ишлар вазирлиги маълумотларига таяниб хабар берди.

Иккинчи ўринни 27,98 фоиз билан “Янги халқ фронти” сўл коалицияси, учинчи ўринни эса 20,76 фоиз овоз билан Президент Эммануэль Макрон коалицияси эгаллади. Тўртинчи ўринни 6,56 фоиз билан “республикачилар” қўлга киритган бўлса, 3,67 фоиз овоз бошқа сиёсий кучларга насиб этди.

Парламент сайловларининг биринчи босқичи натижаларига кўра, “Миллий бирлашиш”дан 39 депутат, “Янги халқ фронти”дан 32 депутат, Макрон коалициясидан икки нафар депутат, республикачилардан бир депутат ва бошқа партиялардан икки нафар депутат сайланди.

Сайловчиларнинг 66,71 фоизи иштирок этди.

Биринчи турда ғалаба қозониш учун номзодлар 50 фоиздан кўпроқ овоз олишлари, овозлар сони эса округ бўйича рўйхатга олинган сайловчилар умумий сонининг камида 25 фоизини ташкил қилиши керак эди.

Франция Миллий ассамблеясидаги парламент ўринларининг умумий сони 577. Парламентдаги мутлақ кўпчилик ўринга эга бўлиш учун партиядан 289 депутат сайланиши керак.

Францияда якшанба куни мамлакат парламентининг қуйи палатаси – Миллий ассамблеяга навбатдан ташқари сайловларнинг биринчи босқичи бўлиб ўтди.

Иккинчи тур 7 июль куни бўлиб ўтади, деб хабар беради ria.ru.