Компанияни хусусийлаштириш жараёнларида 6 та номзод иштирок этган.
Тўлов тизимини сотиб олиш бўйича учта иштирокчидан Мажбурий таклифлар (ВО) келиб тушган ҳамда 65 млн АҚШ доллари миқдорида энг юқори харид баҳосини таклиф қилган “Paynet” АЖ ким ошди савдосининг ғолиби, деб топилган.
Paynet томонидан таклиф этилган мазкур нарх «KPMG» халқаро мустақил нархловчи томонидан қўйилган баҳодан юқори ҳисобланади.
Шунингдек, Paynet жамиятга тегишли бўлган «Humo» тўлов тизимининг барқарор ва узлуксиз ишлашини таъминлашга қаратилган қўшимча тадбирларни амалга ошириш бўйича мажбуриятларни, шунингдек, тизим фойдаланувчиларининг махфий (шахсий ва банк) маълумотларини ҳимоя қилишни ўз зиммасига олади.
