Ўзбекистон Республикаси Президентининг қарорига мувофиқ, Халқ таълими вазирлиги ва Кореянинг Экспорт-импорт банки томонидан амалга оширилаётган «Мактаб таълимида ахборот-коммуникация технологияларини янада ривожлантириш» лойиҳаси доирасида 2019-2020 йилларда жами 2859 та ўқув компьютер жамланмаси (43 минг дона компьютер) ўрнатилди.
Лойиҳа доирасида ўтказилган тендер савдолари якунларига кўра, вазирлик томонидан 8,23 млн. АҚШ доллар миқдорида маблағ иқтисод қилинган.
Мактабларга қўшимча компьютер синфлари зарур бўлгани сабабли иқтисод қилинган маблағлар ҳисобига ҳам KT Corporation томонидан умумтаълим мактабларига қўшимча 951 та ўқув компьютер жамланмаси, яъни 14 мингдан ортиқ компьютер етказиб беришга келишилди.
