Иссиқлик марказлари модернизацияси россиялик мутахассислар ҳамкорлигида амалга оширилади

    Урбанизация 1 феврал 2023 983

    Жорий йил 31 январда Тошкент шаҳар ҳокими вазифасини бажарувчиси Бахтиёр Раҳмонов Россиянинг “Дорогобужкотломаш” лойиҳа-муҳандислик маркази мутасаддилари билан учрашди.

    Учрашувда пойтахтимиз Иссиқлик марказларидаги иссиқлик таъминотини яхшилаш масаласи атрофлича муҳокама этилди. Хусусан, газ босими меъёрда узатилмаган ҳолларда қозонларни иситиш учун муқобил – энерготежамкор ва самарадорлиги юқори бўлган ёқилғилардан фойдаланишни йўлга қўйиш, Иссиқлик марказларини босқичма-босқич модернизация қилиш, диспетчерлик ишига янгиликларни жорий этишнинг самарали усул ва воситалари кўриб чиқилди.

    Бахтиёр Раҳмонов биринчи навбатда аномал совуқ кунларда қийинчиликлар кузатилган 3 ва 5-Иссиқлик марказларидаги ҳолатни яхшилаш ва пойтахтдаги барча Иссиқлик марказларининг шароитни талаб даражасига келтириш муҳимлигига эътибор қаратди.

    Россиянинг “Дорогобужкотломаш” лойиҳа-муҳандислик маркази директори Александр Артамонов ҳамда РФ ва МДҲ бўйича ҳудудий раҳбари Ровшан Идрисходжаев томонидан пойтахтимизнинг иссиқлик таъминоти учун масъуллар билан биргаликда Иссиқлик марказларини модернизация қилиш бўйича хулоса ва таклифларни тайёрлаш учун ўрганиш ишлари бошланди, деб хабар беради Тошкент шаҳар ҳокимлиги матбуот хизмати.

    No date selected
    март, 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates