Жанубий кореялик тадбиркорлар «Ангрен» ЭИЗ фаолияти ва салоҳияти, республикада, шу жумладан ушбу эркин иқтисодий зонада хорижлик сармоядорлар учун яратилган қулай шарт-шароитлар, ЭИЗ ҳудудида жорий имтиёзлар ва преференциялар билан яқиндан танишди.

Дўстона руҳда кечган мулоқот давомида «Two vision» компанияси вакиллари энергияни экологик тоза конвертация қилиш, яъни паст ҳароратли пиролиз газлаштириш ва электр энергиясини ишлаб чиқариш бўйича бизнес-режани таклиф қилди.

Бундан ташқари, мазкур компания иштирокида «Ангрен» ЭИЗ ҳудудидаги 1,5 гектар ер майдонида янги лойиҳаларини ишга тушириш режалари атрофлича муҳокама этилди, деб хабар беради «Дунё» АА.