NASAнинг Қизил сайёрани тадқиқ этишга мўлжалланган сайтида Global CTX Mosaic of Mars деб номланган ажойиб онлайн харита пайдо бўлди. Ундаги тасвир биттага ўхшайди, лекин аслида у 110 000 хил суратдан иборат. Уларнинг барчаси Mars Reconnaissance Orbiter (MRO) сайёралараро станцияси томонидан ишлаб чиқилган.
Мозаик тасвир барча турдаги тасвирлар орасида энг юқори аниқликка эга – 5,7 триллион пиксель (5,7 терапиксель).
Ушбу дурдона Калифорния технология институтининг Брюс Мюррей Визуаллаштириш лабораторияси мутахассислари томонидан яратилган. Бунинг учун улар олти йил ва ўн минглаб соат машаққатли меҳнат қилишди.
Харита Марснинг 99,5 фоизини, жанубий 88° кенгликдан 88° шимолий кенгликкача қамраб олган. Қолган 0,5 фоизини МRО ҳали суратга олмаган. Улар эҳтимол кейинроқ киритилади.
Умуман олганда, Global CTX Mosaic of Mars Google Ер сайёраси хизматига жуда ўхшайди. Моҳияти бир хил: сунъий йўлдош фотосуратлари 3D глобусга қўйилган. Катталаштириш ёки кичрайтириш, сайёрани айлантириш ва унинг сиртининг хусусиятларини ўрганиш мумкин. Кириш бепул, дейилади, mail.ru сайтида.
