Биринчи ҳолатда, Қувайтдан учиб келган йўловчилар гуруҳи бошқа шахснинг илтимосига кўра, 160 млн сўмлик 8 та “iPhone 17” телефонларини олиб киришга уринишган.

Кейинги ҳолатлар Жиддадан қайтган йўловчилар билан боғлиқ бўлиб, улардан бири 5 та “iPhone 17” телефонларини “зиёратчи йўловчилар текширилмайди” деган хато фикр билан ноқонуний олиб кирмоқчи бўлган.

Яна бир фуқаро эса 10 та “iPhone 17” қурилмасини бошқа йўловчилар орқали олиб киришни режалаштирган, аммо телефонларни аэропорт автотураргоҳида йиғиб олаётган вақтида қўлга олинган.

Ҳозирда ҳолатлар бўйича божхона текширувлари олиб борилмоқда.

Шунингдек, жорий йилнинг 10 ойи давомида Наманган вилояти божхона бошқармаси томонидан 406,4 млн сўмлик 105 та мобил телефоннинг ноқонуний айланмасига чек қўйилган.